Берба и Селекција
Во текот на целата година, нашите маслинови насади се под постојана контрола и грижа. Секоја фаза од производството се следи внимателно – од развојот на плодот, преку одржувањето на насадите, сè до моментот на бербата. Целта е секоја маслинка да го достигне својот оптимален квалитет и зрелост.
За време на бербата применуваме два различни методи, во зависност од висината на дрвото и условите во насадот. Кај повисоките дрвја користиме специјални чешли кои нежно ги одвојуваат плодовите, при што под дрвјата се поставуваат церади за безбедно собирање на маслинките. Потоа следува рачна селекција, при која внимателно се издвојуваат само најквалитетните плодови.
Кај пониските дрвја, маслинките се берат директно рачно, со максимална грижа за да се зачува нивниот природен изглед и свежина.
Без разлика на начинот на берба, секоја маслинка поминува низ внимателна селекција според нејзината големина, изглед и квалитет. Само плодовите што ги исполнуваат нашите високи стандарди продолжуваат кон следната фаза од производството, со што обезбедуваме премиум производ кој го носи автентичниот вкус на нашите маслинови насади.